Ndodh çdo 150 vjet, në 31 Janar priten dy fenomene që… - Planeti X - Kosova Sot
Ndodh çdo 150 vjet, në 31 Janar priten dy fenomene që…

Ndodh çdo 150 vjet, në 31 Janar priten dy fenomene që…

Ju informuam dy dite me pare se më date 31 Janar pritet të ndodhë eklipsi i plotë hënor ose ajo që ndryshe quhet “Hëna e përgjakur”. Ky fenomen përkon edhe me “Hënën blu”, që do të thotë se është hera e dytë brenda një muaji kur hëna do të jetë e plotë. Për vitin 2018, fenomeni “Hëna blu” do të ndodhë dy herë.

Por, është hera e parë në 150 vjet që eklipsi i plotë hënor përkon me “Hënën blu”, sipas faqes Space.com. Këtë fenomen të dyfishtë, disa e kanë quajtur “Superhëna blu e përgjakshme”.

Në rastin e “Hënës blu”, emërtimi nuk përkon me përmbajtjen. Nuk do të thotë se hëna do të marrë pigment blu, por emri është vendosur i tillë pasi është hëna e dytë e plotë në një muaj të caktuar të vitit. Kësaj radhe, ngjyra do të ndryshojë, por nuk do të jetë blu. Do të jetë e kuqërremtë sepse gjatë një eklipsi hënor Toka shtrihet mes Diellit dhe Hënës, duke bllokuar dritën që godet sipërfaqen hënore.

(Kosova Sot)

22 minuta më parë
21/04/18