Bujupët dhe suedezët dhurojnë autoambulancë

Pejë, 23 mars

Familja Bujupi, me qëndrim të përkohshëm në Suedi, në bashkëpunim me spitalin “Bleking Landsting” të Suedisë, i dorëzuan çelësat e një autoambulance emergjencës Qendrës së Mjekësisë Familjare në Pejë.

Me rastin e pranim-dorëzimit të autoambulancës, kryetari i komunës, Ali Berisha, theksoi rëndësinë e këtij donacioni për emergjencën dhe qytetarët e komunës së Pejës. Ai falënderoi familjen Bujupi dhe autoritetet suedeze për ndihmën dhënë institucioneve shëndetësore të komunës. Ndërsa, përfaqësuesi suedez, dr. Hakan Klemintson, nga spitali “Bleking Landsting” i Suedisë, tha se qeveria e vendit të tij do të vazhdojë ta ndihmojë popullin e Kosovës, jo vetëm në fushën e shëndetësisë, por edhe segmente tjerë të jetës. Ndërkaq, dr. Sadri Dervishi, drejtor i emergjencës, e vlerësoi lart këtë gjest human të donatorëve, duke shtuar se autoambulanca do të ndihmojë në përmirësimin e shërbimit që kjo qendër u ofron qytetarëve të Pejës.

H. Gashi