description

Fat i madh për Faik Mjekun, fiton kuzhinë moderne të "Art Design"

Publikuar: E enjte 6 Shtator 2012, 9:56 0 Komente

Të mërkurën, në lokalet e “Art Design” në Prishtinë, fituesi i kuzhinës tejet moderne, Faik Mjeku, nga Prishtina, kishte ardhur për të tërhequr shpërblimin prestigjioz. Mjeku ka thënë se për të shpërblimi ka qenë një risi e madhe dhe se është ndier jashtëzakonisht mirë në çastin që e kishte kuptuar se është fitues i këtij shpërblimi.“Gjithmonë kam shpresuar që do të jem fitues dhe kjo ndodhi. I porosis qytetarët që ta lexojnë këtë gazetë dhe të besojnë në të, sepse është më e mira”, tha fituesi i kuzhinës moderne, Faik Mjeku.

I ulur pranë tezgës, nga e cila gjallon dhe e mban familjen, me sytë e tij plot jetë, qëndronte të mërkurën lexuesi i rregullt i gazetës “Kosova Sot”, Gazmend Gërbeshi, nga Prishtina, i cili me një zë të qartë dhe me bindje tregon se e vlerëson gazetën numër 1 në vend, “Kosova Sot”. Lexuesi nga Prishtina, i cili është shitës i disa gjërave të imta në një tezgë përballë shkollës fillore “Faik Konica”, është lexuesi që me plot vrull tregon se e do shumë gazetën “Kosova Sot”. Zhurmat e veturave që kalonin andejpari furishëm nuk ia prishnin rehatinë gjersa e lexonte gazetën e tij të dashur, “Kosova Sot”. As zërat e fëmijëve që shkonin në shkollë nuk ia shpërqendronin vëmendjen për ta lexuar gazetën. Gërbeshi thotë se gazeta “Kosova Sot” gjithmonë sjell freski dhe lajme tërheqëse.“Zakonisht, gjithë ditën e kaloj këtu, duke u mundur të shes diçka, dhe mund të them se dita më kalon çdoherë me gazetën ‘Kosova Sot’. Kjo gjë më ndodh tash e sa vjet, sepse gazeta juaj dhe jona më është bërë pjesë e jetës dhe me të gjithmonë ndihem mirë”, tha ai.

Gërbeshi: Gazetë që të bënë për vete

Gërbeshi thotë se “Kosova Sot” për të dhe për dhjetëra- mijëra qytetarë në gjithë Kosovën është gazetë e drejtë, reale dhe mjaft tërheqëse”. Sipas lexuesit të pasionuar, “Kosova Sot” është gazetë që i ka bërë njerëzit për vete, duke shtuar se një gazetë si kjo i duhet gjithmonë vendit. Gërbeshi thotë se deri më tash nuk e ka pasur fatin të fitojë ndonjë çmim nga loja e madhe shpërblyese “Lexo dhe Fito”, ndonëse vazhdimisht e gërvisht.“Puna që e bëj unë është shumë e vështirë dhe që kërkon mund, por brengat e mia të përditshme i tejkaloj sa herë e lexoj gazetën ‘Kosova Sot’. Zakonisht, vera për ne, shitësi,t është shumë e lehtë, sepse kemi shitje më shumë, kurse stinëve të tjera është pak më problem”, tha lexuesi nga Prishtina, Gazmend Gerbeshi, i cili, derisa fliste me shumë optimizëm për gazetën “Kosova Sot”, gjatë gjithë kohës thoshte se është shumë i kënaqur me gazetën e tij të pëlqyer, të cilën e vlerëson shumë.

Befasia e këndshme e fituesit të kuzhinës moderne

Në ambientet e kompanisë “Art Design” në Prishtinë, të mërkurën, fituesi Faik Mjeku, nga Prishtina, kishte ardhur për të tërhequr shpërblimin prestigjioz, një kuzhinë luksoze, që e dhuron sponsori “Art Design” në kuadër të lojës “Lexo dhe Fito”, të cilën e organizon “Kosova Sot”. Faik Mjeku ka thënë se për të shpërblimi ka qenë një risi e madhe dhe se është ndier jashtëzakonisht mirë në çastin që e ka parë se është fitues i këtij shpërblimi. Ai pohon se qysh në mëngjes e kishte marrë gazetën dhe e kishte parë se është fitues, e që kjo ishte një befasi e bukur për të dhe bashkëshorten e tij, e cila po ashtu kishte ardhur për ta tërhequr shpërblimin.“Si lexues i rregullt i gazetës ‘Kosova Sot’ çdo mëngjes e blej ketë gazetë, të cilën e lexoj me ëndje dhe ja u bëra fitues i këtij shpërblimi të madh-kuzhinë moderne nga ‘Art Design’. Mendoj se kjo është gazetë, e cila i mbush gjitha kërkesat e lexuesve të saj dhe që asnjëherë nuk është e mërzitshme”, ka thënë fituesi i kuzhinës. Sipas fituesit, “Kosova Sot” që nga paslufta është më e lexuara, e cila gjithmonë ka qëndruar besnike ndaj lexuesve të saj të shumtë. “Gjithmonë kam shpresuar që do të jem fitues dhe kjo ndodhi. I porosis qytetarët ta lexojnë këtë gazetë dhe të besojnë në të, sepse është më e mira”, përfundoi fituesi i kuzhinës moderne, Faik Mjeku.

Blakçori i pëlqen shkrimet për të rinjtë

Se ka kërkesa të mëdha për blerjen e gazetës “Kosova Sot” nga qytetarët tregojnë vetë pronarët dhe shitësit e dyqaneve dhe qoshqeve. Diana Blakçori, një 16-vjeçare nga Prishtina, nga marketi BOOS, përballë parkut të qytetit, tregon se “Kosova Sot” është gazeta më e kërkuar, e cila lexohet nga të gjitha moshat. Ajo me këtë rast ka bërë të ditur se edhe vetë është lexuese e rregullt e kësaj gazete dhe se i pëlqen shumë shtojcat e ndryshme.“‘Kosova Sot’ është gazetë shumë e lexuar dhe shumë e kërkuar nga të gjitha moshat. Përveç kësaj, edhe unë jam lexuese e rregullt e kësaj gazete, e cila më pëlqen shumë, pasi ka shkrime tejet interesante. Më pëlqejnë shumë shkrimet për të rinjtë, e sidomos shtojca “Elita”, e cila ka mjaft informacione të rëndësishme për jetën dhe shëndetin, por edhe të tjerat, si shou-bizi vendor dhe ai ndërkombëtar”, ka thënë Diana Blakçori.

Dita e mërkurë ishte me fat për shumë lexues të gazetës lidere, “Kosova Sot”, të cilët pas gërvishtjes e kuptuan se ishin fitues fatlumë.

Afërdita Gashi, nga Peja, është fituese e një shpërblimi prej 10 eurove, e cila tha se për të gazeta më e mirë në Kosovë është “Kosova Sot”. “Unë mendoj se gazeta ‘Kosova Sot’ është gazeta më e mirë dhe më cilësore nga të gjitha gazetat e tjera”, ka thënë fituesja nga Peja. Kurse, për pensionistin Ismet Sermaxhaj, nga Prishtina, i cili po ashtu i ka fituar 10 euro nga BKT-ja, “Kosova Sot” është gazetë me tema të shumëllojshme dhe me rubrika të ndryshme, të cilat nuk i ka asnjë gazetë. “Asnjë ditë nuk e kaloj pa gazetën ‘Kosova Sot’, sepse, sipas meje, është gazetë reale dhe gjithëpërfshirëse. Janë gazetarët ata të cilët e bëjnë punën e mirë në këtë gazetë. Mua më se shumti më pëlqen kultura, por i lexoj edhe temat e tjera nga rubrikat e ndryshme”, ka thënë fituesi nga Prishtina, i cili më herët kishte qenë arsimtar, por aktualisht është pensionist.

“Jam lexues i rregullt i gazetës ‘Kosova Sot’ dhe realisht tashmë pa këtë gazetë nuk mund të rri asnjë moment. Është gazeta më meritore në gjithë Kosovën”, ka thënë fituesi nga Ferizaj, Selim Shabani, i cili, po ashtu, i kaishte fituar 10 euro nga BKT-ja, në kuadër të lojës së madhe shpërblyese “Lexo dhe Fito”.

Box

“Gjithë ditën e kaloj me ‘Kosova Sot’”

“Zakonisht, gjithë ditën e kaloj këtu, duke u mundur të shes diçka, dhe mund të them se dita më kalon çdoherë me gazetën ‘Kosova Sot’. Kjo gjë më ndodh tash e sa vjet, sepse gazeta juaj dhe jona më është bërë pjesë e jetës dhe me të gjithmonë ndihem mirë”, tha Gërbeshi./A. Jahaj

 

 

 

Printo Dërgo
  • di

Komente


arkivi i lajmeve