Molliqaj: Shpifjet gojore Kamishi i bëri me shkrim

Lëvizja “Vetëvendosje” ka reaguar ndaj deklarimeve të deputetit Bekim Haxhiut. Sekretari i “Vetëvendosjes”, Dardan Molliqaj ka thënë për RTK-në se po shikohet mundësia e padisë për shpifje, deputetin Bekim Hexhiu dhe shefin e Grupit parlamentar të PDK-së Adem Grabovci, pasi që i pari nuk ofroi asnjë fakt për Kurtin. “Bekim Haxhiu nuk ofroi asnjë fakt. Shpifjet gojore i bëri me shkrim. Ne do të vazhdojmë me angazhimin tonë për një Komision Hetimor Parlamentar. Do të shikojmë edhe mundësitë për padi për shpifje, por Komisioni Hetimor Parlamentar është më i rëndësishmi“, ka thënë Molliqaj. Ai ka theksuar se “Vetëvendosje” do të inistojë që të hetohet deri në fund SHIK-u dhe të dihet se kujt i shërbeu.