description

NISMA për Kosovën të premten themelohet edhe në Viti

Publikuar: E marte 11 Mars 2014, 15:00 0 Komente

Partia NISMA për Kosovën do të themelohet edhe në qytetin e Vitisë. Tubimi themelues do të mbahet në shtëpinë e kulturës “Gursel e Bajram Sylejmani”, të premten, në orën 17:00. Në këtë tubim do të marrin pjesë edhe drejtuesit kryesorë të partisë NISMA për Kosovën, Fatmir Limaj dhe Jakup Krasniqi.
Njoftimin pë themelimin e NISMËS edhe në Viti e ka bërë të ditur përmes një komunikate Këshilli për themelimin e NISMËS në Viti nënshkruar nga Xhevat Bislimi. "Në këtë NISMË për të ringjallur shpresën, për të ndërtuar Vitinë dhe Kosovën e ëndrrave tuaja, kemi nevojë për të gjithë dhe jemi të gatshëm t’i bëjmë vend secilit",Bislimi. A thotë se subjekti më i ri, NISMA për Kosovën, si në mbarë Kosovën edhe në Viti është pritur mirë dhe me simpati, duke shtuar se përkrahja e popullit të Komunës së Vitisë për NISMAN, po rritet dhe fuqizohet dita-ditës. "Zhgënjimi i qytetarëve tanë me qeverisjen dhe partitë politike në Viti e Kosovë është i drejtë dhe i thellë. Qeverisja e keqe, korrupsioni, shpërdorimi i pasurisë dhe i parasë publike, padrejtësia, papunësia, varfëria janë bërë të padurueshme për qytetarin tonë në Viti dhe në Kosovë. Por zhgënjimi nuk mjafton, para nesh hapet një horizont i ri për Kosovën e ëndrrave tuaja, të cilën së bashku do ta ndërtojmë". "Prandaj, NISMA për Kosovën, me mbështetjen tuaj angazhohet për një qeverisje të mirë dhe të drejtë që nuk njeh dallim tjetër përveç meritës, për të krijuar kushtet për më shumë vende pune, mirëqenie, drejtësi sociale, ligjshmëri, demokraci, mirëkuptim dhe solidaritet në Komunën dhe në Republikën tonë", thotë Bislimi. /kosovasot/

Printo Dërgo
  • di

Komente


arkivi i lajmeve