description

Përkeqësohet liria e shtypit në Kosovë

Publikuar: E enjte 2 Maj 2013, 10:19 0 Komente

Sipas indeksit organizatës "Freedom House" mbi lirinë e shtypit në botë, të dhënë dje në Uashington, Kosova edhe kësaj radhe është futur në kategorinë e vendeve ‘pjesërisht të lira’ ndërsa me renditjen e sivjetme ajo qëndron në vendin 102, që është katër vende më poshtë se vitin e kaluar kur ishte radhitur në vendin 98. "Freedom House" ka vlerësuar se vitin e kaluar për shtypin dhe median në Kosovë ka pasur zhvillime shqetësuese. Përveç kërcënimeve të herpashershme ndaj gazetarëve, këtu përmendet edhe miratimi nga ana e Parlamentit e amendamentit në kodin penal që rikthen ndjekjen penale për shpifje. Ky hap nga organizata quhet një lëvizje në drejtim të gabuar dhe kufizon lirinë e shtypit dhe të shprehjes, transmeton RTK. Për gjendjen e lirisë së shtypit në Shqipëri thuhet se ka pasur prirje pozitive që është vlerësuar me avancim edhe në indeksin e radhitjes në vendin e 96-të nga ai 107 sa ishte në vitin e kaluar.  Sipas "Freedom House" ndër shkelësit më të mëdhenj në fushën e shtypit të lirë, kampion kanë qenë Korea e Veriut dhe Turkmenistani që pasohen nga Uzbekistani dhe Bellorusia. Organizata thotë se gjithandej në botë niveli i lirisë së shtypit ka shënuar rënie, mbase rënien më të madhe në dekadën e fundit.

Media në Shqipëri është 'pjesërisht e lirë'

“Freedom House”, në raportin e saj për lirinë e shtypit në botë, që u publikua të mërkurën, e rendit Shqipërinë me 49 pikë, dy pikë më lart nga viti i kaluar, në një shkallë vlerësimi, ku 0 është rezultati pozitiv dhe 100 ai negativ. Shqipëria renditet i 96-ti mes 197 vendesh, krahasuar me vendin e 107 të vitit të kaluar.

FH: Maqedonia, 20 pozita më poshtë

Maqedonia ka shënuar rënie prej 20 pozitash në rangimin më të ri, sipas indeksit të demokracisë dhe lirisë së shtypit, që bën organizata ndërkombëtare “Freedom House”. Maqedonia ka marrë vendin e 120-të, duke u pozicionuar e fundit nga të gjitha vendet e rajonit, dhe duke ndarë vlerësimet e njëjta me Kongon, Turqinë, Fixhin, Liberinë dhe Sejshelin.
Pozitën e parë e ndajnë vendet skandinave, Norvegjia dhe Suedia, të pasuara nga Belgjika, Finlanda dhe Holanda. Në rangimin e këtij viti janë përfshirë gjithsej 197 vende.
“Freedom House” është themeluar në vitin 1941, dhe bën hulumtimin dhe promovimin e demokracisë, të lirive politike dhe të drejtave të njeriut në botë.

Printo Dërgo
  • di

Komente


arkivi i lajmeve