Po na nënçmojnë me paga

Kryetari i Gjykatës Supreme të Kosovës, Fejzullah Hasani, në intervistën për “Kosova Sot”, pranon se besimi ka rënë në gjyqtarët. Për dallim nga vendet e rajonit, ai thotë se Kosova i ka 13 gjyqtarë në 100 mijë banorë. Hasani shprehet se gjyqësori është i pavarur, por, sipas tij, ndikimi ka forma të tjera, edhe atëherë kur nuk ka përkrahje gjyqësori.’Tani për tani në gjykatë kemi vetëm 7 gjyqtarë në funksion dhe me angazhimin e të gjithëve jemi duke e mbajtur tempin e 16 gjyqtarëve. Do të jem jomodest, askund në botë nuk gjykojnë kryetarët e gjykatave, unë jam i detyruar ta bart barrën e dy deri tre gjyqtarëve, pasi. përveç barrës menaxheriale dhe punëve të tjera, mua më duhet të merrem edhe me zgjidhjen e lëndëve. Unë i kam zgjedhur diku 30 lëndë vetëm muajin e kaluar, ndërsa norma e një gjyqtari është 7", ka thënë z. Hasani. Sipas kryetarit të Gjykatës Supreme të Kosovës, deri tani buxheti i KGJK-së ka qenë 14 milionë euro, prej tyre ne 9 milionë i kemi gjeneruar vetë, krejt çka ka ndarë buxheti i Kosovës për gjyqësorin ka qenë një 5 milionë, se ato 9 milionë ne i kemi marrë dhe ato kanë shkuar në buxhet të Kosovës. Ai buxhet është nënçmues, mund të jemi në lajthim, por tash kam një bindje se ekziston një vullnet nga pushtet e tjera për ta përkrahë gjyqësorin, përkrahje kjo e cila deri para pak kohësh ka qenë vetëm verbale dhe jo ndonjë përkrahje reale. E kam mendimin pozitiv, sepse tash nuk do të kenë qare, sepse të gjitha raportet e progresit e kanë vënë në thumb drejtësinë dhe nuk do të ketë mundësi të jemi anëtarë të shteteve demokratike derisa do ta kemi një pjesë të pushtetit me probleme. (Intervistën e plotë mund ta lexoni në numrin e së hënës të “Kosova Sot”)

• Arben 06.09.2010 - 11:14

  Nkofshe lodhe jep DOREHEQJE. Me vetdeshire (me aplikacion) ke hy aty, kurkush me zor ste ka dergu, edhe e ke dite qysh jane kushtet, keshtu qe mos tu punofte del ne Pension.