description

Rishikohen listat e invalidëve dhe veteranëve të luftës

Publikuar: E shtune 8 Maj 2010, 12:50 5 Komente

Pas vendimit të Qeverisë së Kosovës për formimin e një komisioni verifikues për invalidët dhe veteranët e luftës së UQK-së, shoqatat e dala nga lufta kanë marrë përsipër që për të formuar komisionin përkatës të kërkojnë nga të gjitha zonat dhe përfaqësuesit e tyre të delegojnë anëtarët e zonave për përfaqësim në komision, i cili pastaj do të merret me çështjet teknike të verifikimit. “Në vazhdën e përgatitjes së legjislacionit për rregullimin financiar dhe statusin e veteranëve ka nevojë që të bëhet një verifikim i listave në kuptimin e asaj që të jenë lista përfundimtare. Duhet të bëhet një komision i përbashkët, i cili i bën këto lista në vitin 2010. Është menduar që ky komision të jetë prej 11 anëtarëve ku do të ketë përfaqësues nga veteranët, nga secila zonë operative dhe nga zyra e kryeministrit”, ka deklaruar zëvendëskryeministri Hajredin Kuçi. Udhëheqësi i Zyrës së Veteranëve të Luftës së UÇK-së në ZKM, Faik Fazliu, i tha dje gazetës se rekomandimet për delegimin e përfaqësuesve nga nivelet e zonave për formimin e komisionit janë shpërndarë menjëherë pas vendimit që ka marrë Qeveria e Kosovës lidhur me komisionin, formimi i të cilit mbetet barrë e Shoqatës së Veteranëve mbi bazën e propozimeve. “Ne presim që gjatë javës që vjen të marrim propozimet e emrave të përfaqësuesve të zonave në nivel të Kosovës për përfaqësuesit të cilët do të jenë në këtë komision, sepse ata i njohin më së miri pjesëtarët nga zonat që vijnë. Pasi të vijnë ato propozime, të veprohet në konstituimin dhe formimin e punës së komisionit, të cilin e ka mbështetur edhe Qeveria e Kosovës mbi bazën e kërkesës”, tha Fazliu. Nga ana tjetër, zëdhënësi i Qeverisë së Kosovës, Memli Krasniqi, tha se punën e komisionit Qeveria do ta mbështesë vetëm financiarisht, derisa e gjithë përbërja e tij, e cila duhet të merret me shqyrtimin dhe verifikimin e listave, do të jetë krejtësisht e përcaktuar dhe e miratuar nga ana e përfaqësuesve të Shoqatës së Veteraneve të Luftës së UÇK-së.

Printo Dërgo
  • di

Komente


  • dani 04.11.2010 - 9:57

    10 vjet shkuan e gjysma e vteraneve jan plakur e disa kan vdekur e disa jan semure , edhe nja 10 vjet e shtyjn ligjin e pasta nuk ju vyn kurgju kurkujna, turp per kosoven per institucionet , per partit poliotike qe njerzit qe ua sollen lirine i kan lan mas dore e madje edhe ni ligj qfare do nuk jane ne gjendje me sjell, veteranet jan burra edhe durojn se ata per popoull kan luftu por kam frik se gjaku dhe djersa e mundi i atyre njerzve do ta mallkojne Kosoven e pasdtaj ndodhin kto gjera qe po ndodhin ne Kosove.

  • ilmi 01.07.2010 - 10:47

    ishte kot kontributi im ne uck me mir kishte me qen ta kontriboja armikun

  • imeri 09.05.2010 - 12:27

    sh mire se mas lufte gjysa e kosoves dulen qe jan kane ne lufte.

  • haziri 08.05.2010 - 21:24

    si vendim e perkrahi pa rezerv, e shpresoj qe te jete i fundit e te mos maltretohen veterant e uçk . Se nuk eshte e drejte flas personalisht te vrapoj per çdo vit pas kartave se tash vetem kjo eshte e vlefshme se po behet verifikimi etj etj.

  • Xun çetta 08.05.2010 - 16:07

    Kjo do ishte një punë e mirë dhe nevojë e kohës sa nuk është bërë terësishtë vonë,kuptohët thëmë mirë nese shkarkohet lista e ngarkuar me deshmorë të pa verifikuar gjë kjo për të cilën kam shkruar dhe apeluar disa herë që një gjë e tillë të mos ndodh edhe më fryerjën e listave me ish burgosur politik në Shoqatën perkatëse. Uroj që gjërat ta zejn vendin aty ku e kan vendin e jo që jeta të vazhdoj në kaos.të vërtet

arkivi i lajmeve