Kandiq: Shefi i ushtrisë serbe nuk pengoi krimet në Kosovë

Kryetarja e Fondit për të Drejta Humanitare, Natasha Kandiq ka deklaruar se shefi i Shtabit të përgjithshëm të ushtrisë së Serbisë, gjeneral nënkolonel, Ljubisha Dikoviq, nuk ka të kaluar të pastër, duke kujtuar se ai, si komandant Brigadës së 37 të motorizuar në Kosovë, nuk ka penguar krimet që kanë ndodhur në zonën e tij të përgjegjësisë. “Provat mbi të cilat bazohet aktgjykimi i Tribunalit të Hagës në lëndën’“Millutinoviq dhe të tjerët’, viktimat e mbijetuara nga Drenica, si dhe dokumenteve nga baza e të dhënave të Gjykatës së Hagës, tregojnë për shumë krime të rënda lufte dhe masive ndaj civilëve shqiptarë në Drenicë, në zonën e përgjegjësisë së Dikoviqit”, ka thënë Kandiq për REL. Zonja Kandiq konsideron që Dikoviq nuk është i denjë të jetë shef i Shtabit të përgjithshëm duke ripërsëritur se atje ku ishte Brigada e 37 e motorizuar kanë ndodhur krime të rënda.