Danaj: Konferenca e Londrës mund të anulohet

Kryetari i Listës për Shqipërinë Natyrale, Koço Danaj, tha se posedon dokumente të reja që do të çojnë në anulimin e Konferencës së Londrës 1912-1913, e cila copëtoi kombin shqiptar. “Këto fakte dhe dokumente janë pjesë edhe të librit të ish-ministrit të Jashtëm britanik Grej, drejtues i konferencës së Londrës me titullin ‘Memoires – Kujtime’, botuar ne vitin 1927 nga shtëpia botuese ‘Payot’. Në këtë libër, Grej pohon me shkrimet e tij se si u copëtuan trojet shqiptare në kundërshtim me çdo të drejtë ndërkombëtare. Grej dhe Kambon pohojnë se Londra nuk ishte konferencë zyrtare dhe nuk mbajti asnjë procesverbal mbi diskutimet që bënte”, thekson Danaj për Ina. Sipas Danajt, Eduards Grej pranon se ai dhe Britania e Madhe krijuan konsensusin për të copëtuar trojet shqiptare.