Haxhinasto: Rusia të luajë rol konstruktiv lidhur me Kosovën

Zv/kryeministri dhe ministri i Punëve të Jashtme të Shqipërisë, Edmond Haxhinasto, ka pritur në një takim pune ambasadorin e Rusisë në Tiranë, Leonid Abramov, me të cilin ka diskutuar lidhur me rritjen e bashkëpunimit dypalësh në të gjitha fushat me interes të ndërsjellë.

Sipas një njoftimi të MPJSH, në aspektin e bashkëpunimit shumëpalësh, Haxhinasto ka kërkuar nga ambasadori rus “një qasje dhe rol konstruktiv nga ana e Federatës Ruse lidhur me Kosovën dhe integrimin e saj rajonal e më gjerë, si një kontribut konkret në stabilitetin dhe përparimin e mëtejshëm të rajonit”.