Haxhinasto: Të zbatohet marrëveshja Kosovë-Serbi

Zëvendëskryeministri dhe ministri i Punëve të Jashtme z.Edmond Haxhinasto mori pjesё nё punimet e mbledhjes sё 18-tё Ministeriale tё OSBE-sё, të zhvilluar nё Vilnius tё Lituanisё, vend që mban kryesinё e radhёs sё OSBE-sё. Siç njofton zyra e shtypit e Ministrisë së Jashtme gjatë këtij Ministeriali, Ministri Haxhinasto informoi vendet pjesëmarrëse se "Shqipëria ka prioritete të rëndësishme në këtë Organizatë, ku synojmë të marrim Kryesinë e OSBE në një të ardhme të afërt dhe të rrisim angazhimin tonë në fushën e tolerancës dhe mosdiskriminimit". Duke u ndalur tek Kosova, ministri Haxhinasto shprehu mbështetje për dialogun Kosovë-Serbi, mirëpriti marrëveshjen e fundit mbi menaxhimin e integruar të kufijve dhe bëri thirrje për një zbatim të plotë të marrëveshjeve të arritura mes palëve.

"Shprehim bindjen tonë të plotë se pavarësia e Kosovës ofron një mundësi pajtimi për serbët dhe shqiptarët”, tha Haxhinasto. Gjatë këtij punimeve të këtij Ministeriali, Ministri i Jashtëm Haxhinasto pati një takim me Sekretaren Amerikane të Shtetit Hillari Klinton, me të cilën diskutoi për situatën në rajonin e Ballkanit, për zhvillimet në Shqipëri si dhe për çështje në kuadër të punës së OSBE-së.