description

Revolucioni i tretë industrial

Publikuar: E hëne 23 Prill 2012, 19:00 0 Komente

Digjitalizimi i industrisë përpunuese apo prodhuese do ta transformojë mënyrën se si bëhen mallrat, e po ashtu do ta ndryshojë edhe politikën e punësimit. Revolucioni i parë industrial kishte filluar në Britani, aty kah fundi i shekullit të 18-të, me motorizimin e industrisë së tekstilit. Punët paraprakisht ishin bërë me dorë në qindra lokacione dhe më pas kishin lindur fabrikat.

 

Softuerët e mençur

Revolucioni i dytë industrial kishte filluar në fillimin e shekullit të 20-të, kur Henri Ford kishte zotëruar linjën e grumbullimit që kishte çuar në epokën e prodhimit masiv. Dy revolucionet e para i kishin bërë njerëzit më të pasur dhe më urban. Tash revolucioni i tretë është në rrugë e sipër. Industria prodhuese po digjitalizohet. Sipas raporteve të fundit, kjo do të mund të ndryshonte jo vetëm bizneset, por shumëçka tjetër. Një numër i shquar i teknologjive janë konvergjuar: softuerë të mençur, materiale librash, robotë të ndryshëm dhe i gjithë rangu i shërbimeve të bazuara në internet. Gjatë revolucionit të dytë industrial i famshmi Henri Ford kishte thënë se blerësit e makinave mund të zgjedhin cilëndo ngjyrë të dëshirojnë. Tash një prodhim do të mund të dizajnohet në kompjuter dhe të “printohet” në printer 3D, i cili krijon një objekt solid në ndërtimin e materialit të suksesshëm. Dizajni digjital mund të shkulet me vetëm disa lëvizje me miun e kompjuterit. Printeri 3D mundet ta vazhdojë punën e tij pa qenë nën mbikëqyrje dhe mund të bëjë edhe shumë gjëra të tjera që janë tepër komplekse për një fabrikë tradicionale për t’i bërë. Me kalimin e kohës, këto makineri mahnitëse dhe mbresëlënëse do të mund të jen në gjendje të bëjnë pothuajse gjithçka. Tashmë pjesë të rëndësishme të aeroplanëve ushtarakë janë duke u bërë në mundurën më të përparuar teknologjike dhe në forma të ndryshme. Gjeografia e furnizimeve do të ndryshojë në të ardhmen. Një inxhinier, i cili punon në mes të shkretëtirës që zbulon diçka, nuk ka nevojë që të dalë i vetëm apo me ndihmën e dikujt që ta njoftojë qytetin e tij më të afërt. Mundet ta shkarkojë punën e tij, pra dizajnin dhe ta printojë. Ndryshimet e tjera do të ndodhin çdo moment. Materialet e reja janë më të lehta, më të forta dhe më të durueshme në krahasim me ato të vjetrat. Fibrat e karbonit po zëvendësojnë çelikun, ndërsa alumini dhe prodhimet e tij po radhiten nga biçikleta e deri në aeroplanët. Nanotekonologjia dhuron prodhime si fashat, të cilat vetvetiu shërojnë lëndimet. Interneti po lejon që më shumë dizajnerë të bashkëpunojnë me produktet e reja duke thyer barrierat. Fordi kishte nevojë për një grumbull të madh njerëzish në ndërtimin e fabrikës “River Rouge”, e që sot do të mund ta bënte shumë më lehtë. Sikurse edhe revolucionet e tjera edhe ky do të jetë përçarës.

 

Risitë nga kompjuteri

Nuk ka nevojë që disa njerëz t’i qëndrojnë pranë një makinerie, ngase këtë do ta bëjë kompjuteri, prandaj si pasojë e kësaj shumë punëtorë do të mbesin pa punë. Disa prodhues makinash tashmë prodhojnë dyfishin e makinave që bënin dikur me punëtorë dyfish më pak. E kjo ka ndodhur vetëm një dekadë më parë.

Shumica e punëve tashmë nuk do të kryhen në dyshemetë e fabrikave, por në zyra më të vogla, ku do të qëndrojnë dizajnerët, inxhinierët. Njohësit e mirë të punës me kompjuterë, ekspertët e logjistikës dhe stafi tjetër profesional. Puna e industrisë së punës në të ardhmen do të kërkojë më shumë shkathtësi. Ky revolucion do të ketë ndikimin jo vetëm nga punët ku bëhen, por edhe mënyra dhe vendi se ku bëhen.

Printo Dërgo
  • di

Komente


arkivi i lajmeve