Shqipëria kundër ndryshimit territorial

Zv. kryeministri dhe ministri i Punëve të Jashtme të Shqipërisë, Ilir Meta, deklaroi se idetë për ndarje të Kosovës apo shkëmbim territoresh përbëjnë një rrezik serioz për paqen, sigurinë dhe stabilitetin, jo vetëm në Kosovë. Ai rikonfirmoi se Shqipëria mbështet fuqishëm shtetin e pavarur e sovran të Kosovës dhe integritetin e saj territorial. “Statusi i Kosovës dhe kufijtë e saj janë çështje të mbyllura përfundimisht dhe të pakthyeshme”, tha ai. Meta tha se shpreh bindjen se rruga për realizimin e aspiratës sonë të përbashkët evropiane dhe euroatlantike kalon vetëm nëpërmjet respektimit të plotë të kufijve ekzistues, tërësisë territoriale të njëri-tjetrit, si dhe përmes forcimit të bashkëpunimit rajonal.