Receta e Cekës - Musaka me kungulleshka

  • 19 December 2017 - 15:12
Receta e Cekës - Musaka me kungulleshka

Kungulleshkat lahen, u hiqet cipa duke i gërryer me thikë, priten në rrathë, kripohen, kalohen në miell dhe fërgohen në yndyrë të nxehtë. Qepa pritet imët, fërgohet, shtohen specat, karotat në rende, mishi, kripa , piperi, e kurry dhe domatet e qëruara e të prera imët dhe të gjitha fërgohen pak. Në tavë të lyer radhiten kungulleshkat duke e mbuluar fundin e tavës, hidhet gjysma e kimës, rrafshohet mirë, mbulohet me kungulleshka, shtrohet prapë kima e mbetur dhe në fund mbulohet me kungulleshka. Para se të futet në furrë, musakaja mbulohet me vezë të tundura me ajkë dhe mbi spërkatet me pak gjalpë e kaçkavall. Piqet afro 30 minuta në furrë me temperaturë mesatare.

PËRBËRËSIT:

1 kg kungulleshka,

2 qepë,

2 speca të prerë në kubikë,

300 gr mish të bluar,

2 karota,

2 domate,

1 gotë ajkë,

100 gr kaçkavall,

kripë,

piper,

 kurry,

1 fletë dafine,

2 kokrra vezë,

miell,

vaj.

(Kosova Sot)