Receta e Cekës: GROSHË PA MISH - Reçeta - Kosova Sot
Receta e Cekës: GROSHË PA MISH

Receta e Cekës: GROSHË PA MISH

PËRBËRËSIT:

• 1/2 kg. groshë,

• 100 gr. gjalpë ose vaj,

• 2 qepë,

• specall, kripë, vegetë

• 1 spec djegës,

• nane e tharë. 

Grosha e pastruar dhe e larë është mirë të ulet në mbrëmje. Vala e parë derdhet, pastaj mbushet me ujë të nxehtë dhe vlohet në zjarr të ulët gjersa të zihet mirë, por jo të çahen kokrrat. Qepët grihen imët, fërgohen në yndyrë gjersa të zverdhen dhe të zbuten. Hidhet një lugë e rrafshuar miell, fërgohet pak, 1 lugë specall dhe sa të përzihet 1 herë, shtohet pak lëng groshe, përzihet mirë dhe hidhet mbi groshë. Kriposet, i hidhen mëlmesa të thara, spec djegës dhe në zjarr të ulët vlohet edhe ½ ore. Pak para se të largohet nga zjarri, i hidhet nane e tharë.

(Kosova Sot)

6 orë e 32 minuta më parë
19/10/18