Reçeta e Cekës: PARFE

  • 09 March 2018 - 13:40
Reçeta e Cekës: PARFE

PËRBËRËSIT:

5 ve, 500 gr.dredhëza, 15 lugë sheqer, 2, 5 dcl ajkë ose 3 qeska shllagë të përgaditur sipas udhëzimit.

Ndrydhen dredhëzat, u shtohen 8 lugë sheqer dhe vehen në zjarrë gjersa të vlojnë. Largohen nga zjarri për t’u ftohur. Pjesa tjetër e sheqerit vlon me 1, 5 dcl ujë, duke e përzier vazhdimisht gjersa të shkrihet sheqeri dhe të trashet sherbeti. Tunden vezët mbi avull gjersa të shkumojnë, pastaj shtohet shurupi i nxehtë pikë-pikë duke i tundur vazhdimisht. Shurupi shtohet nga anët e enës. Pasi të fitohet një masë e dendur, ena largohet nga avulli dhe vehet mbi enë me ujë të ftohtë. Vezët tunden gjersa të ftohen. Veçan tundet ajka të cilës i shtohen dredhëzat dhe përzihen të gjitha me lugë në masën e vezëve. Derdhet në enë të përshtatshme dhe futet në friz për 6-7 orë. Në vend të pemëve të buta sikurse:dredhëza, mjedra, qershiza etj. parfetë përgaditen me arra, lajthi, ose bajame të grimcuara. Dallimi në mes të parfesë dhe akullores qëndron aty se, parfetë përgaditen me vezë të tëra, kurse akulloret mund të përgaditen vetëm me të bardhat e vezëve, me qumësht, qumësht pluhur, kakao etj. 

(Kosova Sot)