Ushqimet për forcim të imunitetit gjatë stinës së dimrit
Është shumë me rëndësi të konsumoni ushqime për të forcuar sistemin imun, të cilat janë përplot me vitamina. Dimri është kohë plot me ftohje dhe grip, prandaj gjatë kësaj periudhe kohore duhet pasur më shumë kujdes çfarë ushqimesh konsumojmë, transmeton gazeta Kosova Sot Online.
Kivi
Kivi shpeshherë quhet edhe “super-pemë“, sepse përmban pak kalori, por ka shumë veti shëruese. Kivi është burim i mirë për vitamina A, C, B dhe K, e përmban edhe minerale, si kalium, kalcium, magnez, fosfor, hekur, zink dhe bakër. Kivi është i shkëlqyeshëm për forcimin e imunitetit, e po ashtu është i mirë për zemër dhe tretje. Mund ta shtoni në sallatën me pemë, jogurt.
Lakra e Brukselit
Lakra e Brukselit është e pasur me të gjitha vitaminat dhe mineralet më të rëndësishme. Disa prej tyre janë vitamina C, vitamina A, vitamina të grupit B, magnez dhe kalcium. Kanë ndikim kundër inflamacioneve dhe mund ta shtojnë energjinë në trup. Janë të shkëlqyeshme për forcimin e sistemit imun dhe parandalon gripin dhe ftohjet.
Agrumet
Dimri pa agrume nuk është dimër i vërtetë. Portokajtë, limonët, mandarina dhe grejpfruti janë burim i mirë për materie ushqyese, sidomos vitamina C, që më së shumti na nevojitet gjatë kohës së gripit dhe ftohjeve. Këto pemë freskuese ndikojnë mirë edhe në shëndet. Janë të pasura me antioksidues dhe përbërës kundër viruseve, që forcojnë sistemin imun.
Kanellë
Midis erëzave më popullore dimërore është kanella. Ka ndikim në forcimin e sistemit imun, e përmirëson punën e trurit, është e mirë për shëndetin e zemrës, ndërsa që ka ndikim kundër mikrobeve dhe kanë ndikim kundër inflamacioneve.
Lakra
Lakra është e pasur me vitaminën C, që është e shkëlqyeshme për forcimin e sistemit imun dhe parandalon zhvillimin e sëmundjeve. Ndihmon në shërimin e ftohjes, gripit dhe kollës dhe ndikon si antiseptik në organet e frymëmarrjes. Gjatë muajve të dimrit do të duhej që tri herë në javë të konsumoni lakër turshi.
Patatja e ëmbël
Patatet e ëmbla janë të pasura me antioksidues dhe me betakarotinë, që parandalojnë dëmtimin e qelizave dhe pakësojnë rrezikun nga zhvillimi i llojeve të ndryshme të kancerit. Përmbajnë karbohidrate, fibra, hekur, kalium, vitaminën B6 dhe materie të tjera ushqyese.
(Kosova Sot)