Salca e gjelbër, që qetëson ngërçet në zorrë
Pos se është i shijshëm për ta shtuar në sallatë, mishit të ftohtë, mishit nga skara, peshkut dhe patates së pjekur, salca nga gjethet e freskëta të majdanozit, nenexhikut dhe borziloku përmirësojnë tretjen, qetësojnë ngërçet e lukthit dhe të zorrëve, transmeton gazeta Kosova Sot Online.
Përbërësit:
1 lugë gjethe të freskëta majdanoz
1 lugë gjethe të freskëta borziloku
1 lugë gjethe të freskëta nenexhiku
1,5 dl vaj ulliri
1 lugë lëvore limoni të gërryer
Kripë
Piper të bluar
2 pika salcë pikante
Përgatitja:
Në blender përzieni gjethet e majdanozit, borzilokut, nenexhikut, vajin e ullirit dhe salcën pikante. Në salcë shtoni lëvoren e bluar të limonit, kripën dhe piperin dhe e lini të qëndrojë 2-3 orë para përdorimit. Salcën ta ruani në frigorifer më së shumti 2 ditë. Merrni nga një lugë para shujtës dhe ia shtoni sallatave dhe gjellëve tjera.
(Kosova Sot)