Manchester United shkatërroi Fenerbahcen, lider në Grupin A
Paul Pogba ka shkëlqyer në fitoren e thellë të Manchester Unitedit ndaj Fenerbahces
Manchester United ka regjistruar fitoren e dytë pas tri ndeshjeve ë Grupin A të Europa league, duke mposhtur 4:1 Fenerbahcen në ‘Old Trafford’.
Në këtë ndeshje shkëlqeu transferimi rekord, Paul Pogba, i cili shënoi një gol të bukur dhe një tjetër nga penalltia, duke kontribuar me dy gola në fitoren e thellë të ‘Djajve të Kuq’ ndaj Fenerbahces prej 4:1.
Golat tjerë për Unitedin i shënuan Anthony Martial dhe Jesse Lingard. Derisa golin e vetëm për Fenerbahcen e shënoi ish lojtari i ‘Djajve të Kuq’, Robin van Persie, i cili më pas u duartrokit nga gjithë tifozët në ‘Old Trafford’.
(Kosova Sot)