Laporta: Me Raiolën e sjell Pogban te Barcelona

Zgjedhjet per presidentin e ri te FC Barcelona do te mbahen ne 18 korrikun e ardhshem, por fushata e kandidateve qe kerkojne postin me te larte vijon te jete ne rritje, duke shpalosur programet dhe premtimet e tyre.

Njeri nga kandidatet favorit, Joan Laporta perseriti gatishmerine e tij per te sjelle ne Camp Nou mesfushorin francez te Juventusit Paul Pogba, duke siguruar qe celsi I arritjes se marreveshjes me nje nga lojtaret me te kerkuar te kesaj vere, eshte menaxheri i tij Mino Raiola, me te cilin siguroi se ka nje raport te mire.

“Deshira e futbollistit eshte e para, por vendimtare do te jete fjala e Mino Raioles, te cilin une e njoh mjaft mire ashtu si dhe drejtori i ardhshem sportiv, Eric Abidal. Me te kemi negociuar per Maxwell e Ibrahimovic, e per me teper Abidal njihet personalisht me Pogba. Keshtu qe nese do te kemi besimin e pjeses me te madhe te aksionereve, do te ulemi menjehere ne tavoline per te diskutuar me drejtuesit e Juventusit. Nuk kam folur ende me lojtarin, e as me klubin bardhezi, sepse si kandidat qe jam nuk duhet ta bej ende nje gje te tille, por menjehere sapo te fitoj mandatin tim. Mendoj se Pogba do te pershtatej me se miri me stilin tone te lojes, duke I shtuar mesfushes cilesi, teknik dhe shume force”

Ne Spanje ne zgjedhjet presidenciale te dy klubeve me te medhenj si Real dhe Barca, kandidatet fitues kane arritur gjithmone ti mbajne premtimet e tyre dhe ajo qe shihet qarte eshte se Laporta e ka marre seriozisht ceshtjen Pogba, qe do te ishte nje perforcim I jashtezakonshem per Barcelonen.