‘Ronaldo është i lumtur në Real Madrid’
Michael Ballack ka thënë se Cristiano Ronaldo është i lumtur në Real Madrid
Legjenda e Bayern Munichut dhe Gjermanisë, Michael Ballack ka thënë se Cristiano Ronaldo zemërimin e ka të momentit dhe insiston se është i lumtur në Real Madrid.
Portugezi thuhet se dëshiron të largohet nga Real Madrid, sepse klubi nuk e ka mbrojtur ashtu siç duhet.
“Mendoj se është një situatë emocionale e momentit. Krejt çka mund të them është se ai po luan në një skuadër fantastike”, tha Ballack për Omnisport.
“Jam i sigurt se ai është i lumtur në Real. Për momentin është situatë e vështirë, por ka përvojën e duhur për të përballuar dhe për të gjetur një zgjedhje të mirë për vetën”.
“Real Madrid është skuadër fantastike dhe nuk e shoh Ronaldon në ndonjë skuadër tjetër për momentin”, tha në fund Ballack.
Për momentin për Ronaldon janë duke u interesuar Manchester United, PSG dhe Bayern Munich.
(Kosova Sot)