​Katër arsyet pse Neymar mund të transferohet në PSG, njëra shkaku i Messit

Neymar gjatë kësaj vere mund të largohet nga Barcelona për të kaluar në Francë të PSG

Sulmuesi brazilian, Neymar është tema kryesore e këtij afati kalimtar, pas lajmeve se ai mund të largohet nga Barcelona.

Në fakt, France Footboll beson se kjo është shumë e mundshëm dhe për këtë jep katër arsye.

1.       Hija e Messit – Neymar që prej transferimit në Barcelonë asnjëherë nuk ka arritur të luajë rolin e liderit, por vetëm të jetë hija e Leo Messit. Meritat kryesore për suksesin e skuadrës gjithnjë i shkojnë argjentinasit

2.       Topi i Artë – Braziliani beson se vetëm duke luajtur në një skuadër tjetër mund të fitojë Topin e Artë. Në rast të triumfit me PSG-në në Ligën e Kampionëve, atëherë Topi i Artë do të ishte një mundësi reale

3.       Kontrata galaktike – Në rast të transferimit në PSG, Neymar do të bëhej lojtari më i paguar. Ai do të përfitonte më shumë se dy rivalët e tij më të mëdhenj, Leo Messi dhe Cristiano Ronaldo

4.       ‘Brazili’ i vogël – Neymar në PSG do të përshtatej shumë lehtë, për shkak të numrit të madh të lojtarëve brazilian. Tashmë në PSG luajnë Thiago Silva, Maruinhos, Dani Alves dhe Lucas Moura

(Kosova Sot)