< Jurgen Klopp arsyeton barazimin e Liverpoolit me Sevillan - Sport - Kosova Sot
Jurgen Klopp arsyeton barazimin e Liverpoolit me Sevillan

Jurgen Klopp arsyeton barazimin e Liverpoolit me Sevillan

Liverpooli nuk arriti të triumfonte në kuadër të xhiros së parë të Ligës së Kampionëve.

The Reds barazuan para shikuesve të vetë kundër Sevillas me rezultat 2-2.

Por, trajneri i vendasve, gjermani Jurgen Klopp ka pohuar se është i kënaqur me paraqitjen e të besuarve të tij.

“Kjo ishte një paraqitje për fitore gjatë 85-86 minutave dhe ekipi im ka luajtur shumë mirë”.

“Ne patëm përgjigje për çdo gjë, përveç momenteve të golave. Më duhet t’i shoh sërish. Ishte një lojë emocionuese nga ana ime, të gjithë e panë dëshirën dhe pasionin tonë, por morëm vetëm një pikë”.

“Ne e dimë se duhet të përmirësohemi, por kemi shumë potenciale dhe mund të punojmë rreth kësaj”, tha ndër të tjerash Klopp.

Pas kësaj, Liverpool zë pozitën e dytë me një pikë ndërsa po aq pikë ka edhe Sevilla. Në anën tjetër, edhe Spartak Moska dhe Maribori barazuan 1-1.

(Kosova Sot)

8 orë e 29 minuta më parë