Hemilton përplaset me murin rrethues gjatë provave

Pasdite aspak e mirë për Lewis Hamilton, në provat zyrtare të Interlagosit.

Britaniku ka dalë nga pista që në xhiron e parë të provave zyrtare dhe makina e tij është përplasur me murin rrethues.

Dëmtimi i rëndë i makinës solli edhe tërheqjen e Hamiltonit nga provat zyrtare, ndërsa në garën e nesërme britaniku do të niset i fundit.

Hamilton kishte dhuruar një paraqitje të shkëlqyer në sesionet e provave të lira, duke qenë më i shpejti në 2 nga 3 prej tyre.

Britaniku është kurorëzuar tashmë kampion bote në Formula 1 dhe sido që të renditet në këto dy gara të fundit, nuk do të ketë asnjë rëndësi.

(Kosova Sot)