Reali me tri mungesa kundër Atleticos, lë në shtëpi plus tre lojtarë tjerë

Navas, Bale dhe Kovacic do të mungojnë për shkak të dëmtimeve, kurse Llorente, Vallejo dhe Achraf janë lënë në shtëpi për arsye teknike.

Zinedine Zidane ka publikuar listën e lojtarëve të ftuar për derbin me Atletico Madridin që zhvillohet sonte nga ora 20:45 në stadiumin e ri “Wanda Metropolitano”.

Për këtë ndeshje do të mungojnë të dëmtuarit Keylor Navas dhe Gareth Bale, nuk është thirru as Mateo Kovacic, pasi Zidane nuk dëshiron të rrezikojë kroatin që ka vetëm pak ditë që është kthyer në stërvitje me grupin.

Ndërkaq, për arsye teknike, Zizu ka lënë në shtëpi lojtarët e rinj, Marcos Llorente, Achraf Hakimi dhe mbrojtësin, Jesus Vallejo.

(Kosova Sot)