Gjykata ia rrit dënimin me burg atletit Pistorius, për vrasjen e të dashurës
Një gjykatë në Afrikë të Jugut ia ka rritur dënimin me burg atletit olimpik, Oscar Pistorius, për vrasjen e të dashurës.
Dënimi i tij është rritur në 13 vjet e pesë muaj burgim, pasi prokurorët argumentuan se dënimi i tij prej gjashtë viteve burgim për vrasjen e Reeva Steenkamp, ishte tepër i shkurtër.
Gjykata Supreme e Apelit vendosi që dënimi i tij të rritet në 15 vjet, dhe ia hoqi vitet që veçse i ka kaluar në burg.
Pistorius pati pohuar se kishte qëlluar mbi Steenkamp në Ditën e Shën Valentinit më 2013 duke e ngatërruar atë për hajdut.
(Kosova Sot)