Zyrtare: Peja në Balkan League

Federata e Basketbollit e Kosovës ka nominuar fituesin e Kupës së Kosovës, Klubin e Basketbollit Peja për të marrë pjesë në ligën ballkanike BIBL në sezonin 2015/16.

“Pas përmbushjes së obligimeve, sipas vendimit të Bordit të FBK-së, KB Peja nominohet për të garuar në ligën ballkanike BIBL për sezonin 2015/16”, thuhet në letrën e nominimit dërguar drejtorit të kësaj lige Shay Shtriks.

Paraprakisht, FBK për pjesëmarrje në këtë ligë ka nominuar edhe Sigal Prishtinën dhe Bashkimin, kurse Sigal Prishtina është nominuar për të garuar edhe në garën e re të klubeve që e organizon FIBA Evropa.