MKRS jep mbi 32 mijë euro për Federatën e Atletikës

  • 31 July 2015 - 16:03
MKRS jep mbi 32 mijë euro për Federatën e Atletikës

Ministria e Kulturës, Rinisë dhe Sportit, vazhdon nënshkrimin e memorandumeve me disa federata të sportit të Kosovës.  Sot, në kabinetin e ministrit të Kulturës, Rinisë dhe Sportit, Kujtim Shala, u nënshkrua një Memorandum Bashkëpunimi ndërmjet MKRS-së dhe Federatës së Atletikës së Kosovës.

Nëpërmjet këtij Memorandumi Bashkëpunimi, MKRS-ja subvencionon FAK-un për pjesën e programit të këtij viti që ka mbetur me 32,240 euro, ndërkohë që në tërësi MKRS-ja sivjet ka ndihmuar këtë federatë me 121,632 euro.

Ministri Kujtim Shala, përgëzoi FAK-un për punën dhe aktivitet e deritashme. Ai po ashtu konfirmoi mbështetjen e MKRS-së për FAK-un dhe sportin në përgjithësi, duke u zotuar se MKRS-ja është e përkushtuar që të ndihmojë sportistin kosovar në rrugën e përparimit të mëtutjeshëm të tij.

Ministri u shpreh se nëpërmjet këtyre memorandumeve Shala synohet përmirësimi i politikave në fushën e sportit.

"Siç kemi bërë të ditur për opinionin publik, nëpërmjet këtyre memorandumeve të bashkëpunimi, MKRS-ja po ndihmon në pavarësimin financiar të federatave, si dhe po krijon lehtësira që ato të funksionojnë me efikasitet sa më të plotë", tha ai.

Image

 

(Kosova Sot)