Mediat italiane: S’ka asgjë të vërtetë rreth Icardit dhe Real Madridit - Sport - Kosova Sot
Mediat italiane: S’ka asgjë të vërtetë rreth Icardit dhe Real Madridit

Mediat italiane: S’ka asgjë të vërtetë rreth Icardit dhe Real Madridit

Media të shumta italiane kanë theksuar se nuk ka asgjë të vërtetë rreth lajmeve nga Spanja se sulmuesi i Interit, Mauro Icardi, i ka kryer fshehurazi testet mjekësore me Real Madridin.

Lajmi i lëshua dje nga Diario Gol, medium ky që sugjeroi se bomberi argjentinas do t’i bashkohej Realit gjatë janarit.

Megjithatë, disa burime italiane, përfshirë ekspertin shumë të respektuar të Sky Sport Italia, Gianluca Di Marzio, e kanë mohuar atë lajm dhe kanë insistuar se nuk ka asnjë dëshmi çfarëdo qoftë ajo se Icardi do të largohet nga Interi midis sezonit.

Icardi e ka një klauzolë në kontratën e tij me Interin në vlerë 110 milionë euro, e cila është e vlefshme vetëm për disa javë në korrik, prandaj ai mund të kushtojë shumë më shumë në janar.

Icardi dhe agjentja e bashkëshortja e tij, Wanda Nara, po ashtu nuk kanë për qëllim ta braktisin Interin në këtë kohë.

(Kosova Sot)

3 orë e 44 minuta më parë
22/05/18