Pioli: Kemi mundësi të fitojmë kundër Juventusit - Sport - Kosova Sot
Pioli: Kemi mundësi të fitojmë kundër Juventusit

Pioli: Kemi mundësi të fitojmë kundër Juventusit

Fiorentina gjatë mbrëmjes së nesërme do të takohet me skuadrën e Juventusit.

Para takimit në stadiumin Artemio Franchit ka folur trajneri i violave, Stefano Pioli, i cili beson në fitoren e skuadrës së vetë.

“Do të duhet të luajmë si ekip, do të kemi shumë punë për të bërë”, tha fillimisht në konferencën për shtyp, Pioli.

“Do të përballemi me një skuadër shumë të fortë që nuk duket të ketë ndonjë dobësi në aspektin e mënyrës se si luajnë”.

“Është e mundur të triumfojmë kundër Juventusit. Ka ndodhur në të kaluarën, por jam i sigurt që Juventusi nuk do të mendojë për Ligën e Kampionëve dhe të na lehtësoj neve punën”, tha Pioli.

Kujtojmë se Federico Bernardeschi do të luajë nesër dhe pothuajse është e sigurt se do të marrë reagime negative pas largimit gjatë verës nga Firenca për tek Zonja e Vjetër.

Ndryshe, takimin e parë kampional të zhvilluar në muajin shtator e kishte fituar Juventusi me rezultat minimal 1-0.

 

(Kosova Sot)

 

16 orë e 41 minuta më parë
14/11/18