“Ronaldo lojtar i shkëlqyer, por Messi jashtëtokësor” - Sport - Kosova Sot
“Ronaldo lojtar i shkëlqyer, por Messi jashtëtokësor”

“Ronaldo lojtar i shkëlqyer, por Messi jashtëtokësor”

Anësori i Paris Saint-Germainit, Angel di Maria, beson se bashkatdhetari i tij Lionel Messi vjen nga një planet tjetër.

Di Maria ishte mysafir special në emisionin “Liberto” në TyC Sports, ku diskutoi rreth cilësive të bashkëlojtarit të tij te ekipi kombëtar i Argjentinës, Lionel Messit, si dhe kundërshtarit të radhës në Ligë të Kampionëve, Cristiano Ronaldos, transmeton Express.

Ai ka thënë se nuk ka fjalë për ta përshkruar Lionel Messin, ndërsa Cristiano Ronaldon e ka cilësuar si lojtar të shkëlqyer.

“Nuk ka fjalë për ta përshkruar Leon. Ai gjithmonë të befason. Messi është më i mirë çdo vit, vit pas viti... Ronaldo është lojtar i shkëlqyer”, ka thënë ai.

Ai mendon se fakti se Ronaldo luan në kohën e Messit ia ka bërë portugezit shumë më të vështirë.

“Ai [Messi] është lojtar nga një planet tjetër – është jashtëtokësor. Për Ronaldon ka qenë shumë më e vështirë sepse luan në kohën e tij”, ka shtuar ai.


(Kosova Sot)

12 orë e 26 minuta më parë
20/08/18