Pique dhe Vermaelen të lënduar, Valverde në dispozicion vetëm Minan si qendër mbrojtës - Sport - Kosova Sot
Pique dhe Vermaelen të lënduar, Valverde në dispozicion vetëm Minan si qendër mbrojtës

Pique dhe Vermaelen të lënduar, Valverde në dispozicion vetëm Minan si qendër mbrojtës

Lajme të këqija për mbrojtjen e Barcelonës. Gerard Pique dhe Thomas Vermaelen nuk janë stërvitur me pjesën tjetër të grupit.

Kjo ka bërë që të vihet në dyshim pjesëmarrja e tyre dhe nuk dihet deri në momentin e fundit nëse do të luajnë kundër Getafes.

Duke pasur parasysh faktin se Samuel Umtiti është i dënuar shkaku i kartonëve del të jetë Yerry Mina, si qendër mbrojtës i vetëm në dispozicion të Ernesto Valverdes, të cilit i mbetet të improvizojë në mbrojtjen e katalunsave.

Gjithashtu edhe mesfushori portugez, Andre Gomes ka pësuar një lëndim të lehtë në takimin e fundit dhe ka të ngjarë që nuk do të mund të luaj me skuadrën nga paralagjia e Madridit.

Nga ana tjetër, Ousmane Dembele ishte në gjendje të stërvitej me të njëjtin ritëm si pjesa tjetër e shokëve dhe mund të hyjë në listën e ballafaqimit të së dielës.

Në anën tjetër, Markel Bergara nuk ka mundur që me kohë të shërohet dhe se nuk do të paraqitet kundër blaugranave.

Ndryshe, takimi mes këtyre dyja ekipeve pritet të startojë rreth orës 16:15, në stadiumin legjendar Nou Camp. 

(Kosovot)

16 orë e 19 minuta më parë
21/09/18