Iniesta: Enrique do të triumfonte në Chelsea
Iniesta beson se Chelsea do të fitonte trofe në stol me Luis Enriquen.
Ish trajneri i Barcelonës, Luis Enrique, është një ndër kandidatët kryesor për të zëvendësuar Antonio Conten te Chelsea, që pritet t’i thotë lamtumirë “Bluve të Londrës” gjatë verës.
Këtë ide e ka mbështetur edhe kapiteni i Barcelonës, Andres Iniesta.
“Enrique është trajner fantastik. Në Barcelonë, ai tregoi arritje të mëdha. Mendoj se mund të fitojë trofe në çdo klub, përfshirë edhe Chelsean”.
“Nuk do të ishte e lehtë, sepse Chelsea është një ndër klubet më të mëdha në botë. Por, kur shikoni rritjen e Enriques si trajner, atëherë mendoj se do të ishte e mundur çdo gjë edhe në Londër”.
“Premierliga është garë e vështirë, por, për mua, ai është në gjendje të menaxhojë klub anglez”, shtoi mes tjerash kapiteni i Barcelonës.
(Kosova Sot)