PSG përgatit ofertë për Icardin, gati edhe Reali

  • 23 February 2018 - 10:29
PSG përgatit ofertë për Icardin, gati edhe Reali

Paris Saint-Germaini dhe Real Madridi janë të dyja të përgatitura për të bërë ofertë për yllin e Interit, Mauro Icardi.

E ardhmja e sulmuesit argjentinas te Interi është ende e paqartë me Icardin që ende nuk ka nënshkruar rinovimin e kontratës dhe mund të largohet gjatë verës për 110 milionë euro.

Gruaja dhe agjentja e kapitenit të Nerazzurrëve, Wanda Nara, ka thënë këtë javë se dy klube të mëdha kishin treguar interesuar për sulmuesin në muajin janar.

Tani mediumi italian Corriere dello Sport raporton se klubet në fjalë ishin PSG dhe Real Madridi, me të dyja klubet të përgatitura për t’i ofruar Icardit një kontratë të majme.

Klubi francez është i gatshëm të ofrojë 40 milionë euro për një kontratë pesëvjeçare, pasi presin që Edinson Cavani të largohet në verë.

Ndërkohë, Madridi po kërkon të zëvendësojë Karim Benzeman dhe Icardi është një nga opsionet kryesore që ata po e konsiderojnë.

Los Blancos mund të ofrojë një marrëveshje pesëvjeçare me vlerë 45 milionë euro në total, me argjentinasin që do të mbante 30-50 për qind të të drejtave të tij të imazhit.

Opsione të tjera që konsiderohen nga gjigantët spanjollë janë Robert Lewandowski i Bayern Munich dhe Harry Kane i Tottenham Hotspur. 

(Kosova Sot)