Challandes arrin në Kosovë, brenda ditës zyrtarizimi i tij si trajner i Përfaqësueses (Foto)

Bernard Challandes ka arritur në Kosovë dhe brenda orëve pritet të zyrtarizohet si trajner i ri i Përfaqësueses së Kosovës.

Përfaqësuesja e Kosvës gjen më në fund pasuesin e Albert Bunjakit.Ashtu siç e zbuloi edhe Supersport në momentin e hedhjes së shortit të Ligës së Kombeve, do të jetë një zviceran trajneri i ri i Kosovës.Bëhet fjalë për 66-vjeçarin Bernard Challandes, i cili ka zbarkuar në orët e fundit në aeroportin e Prishtinës siç mund ta shihni edhe në fotot që zotëron Supersport.Në orët e ardhshme Challandes do t’u drejtohet zyrave të Federatës Kosovare të Futbollit [FFK] dhe në praninë e presidentit Fadil Vokrri do të nënshkruajë, kontratën që do ta lidhë me përfaqësuesen e Kosovës për të paktën 2 vitet e ardhshme.

Challandes, i cili ka drejtuar shumë klube të njohura në Zvicër, si Zurich, Young Boys apo Sion, në nivel kombëtaresh ka qenë trajneri i Armenisë në vitet 2014 dhe 2015 dhe u shkarkua nga detyra pas humbjes në Elbasan Arena me rezultatin 2-1 pikërisht ndaj Shqipërisë që në atë periudhë drejtohej nga Gianni De Biasi.

Merr fund kështu dilema se cili do të jetë trajneri i ri i Kosovës pasi tashmë të gjitha rrugët të çojnë te 66-vjeçari zviceran Bernard Challandes.

(Kosova Sot)