Ylli i Milanit: Për mua Messi është si personazh i PlayStation, e shoh në TV por s’e kam takuar kurrë

Sulmuesi i talentuar i Italisë, Patrick Cutrone, mezi e pret ndeshjen e ekipit të tij kombëtar kundër Argjentinës më 23 mars.

Ai thotë të jetë shumë i lumtur që do të përballet me Lionel Messin, dike që deri tani ka qenë në gjendje ta shohë vetëm në TV apo lojën e PlayStation.

“Për mua Messi është personazh i PlayStation, gjithmonë e shoh në TV por kurrë nuk e kam pasur rastin ta shoh në jetë reale. Ta takoj atë do të jetë nder për mua”, ka thënë Cutrone.

Sulmuesi i ri i Milani është duke gëzuar një sezon fantastik deri tani.

Ai i ka shënuar 15 gola për Milanin në të gjitha garat këtë sezon dhe shpreson se do të debutojë për Italinë kundër Argjentinës të premten, pas ftesës befasuese që mori.

 

(Kosova Sot)