Barcelona ofron Dembelen për Salahun
Barcelona e do Salahun në “Camp Nou” dhe i ka propozuar Liverpoolit një shkëmbim me Debelen.
41 gola në të gjitha garat, 31 në Premierligë – Mohamed Salah po shijon një sezon ëndrrash me fanellën e Liverpoolit, i cili theu rekord me golin kundër WBA-së duke shkruar emrin në librat e historisë për t’iu bashkuar Ronaldos, Shearer e Suarez.
Forma fantastike e egjiptianit, ka zgjuar interesimin e shumë skuadrave evropiane, mesin e tyre Real Madridi e Barcelona.
Sipas asaj që raporton “Diario Gol”, Barcelona i ka propozuar Liverpoolit një shkëmbim Ousmane Dembele-Mohamed Salah.
Interesimi i Barçës ka ardhur me kërkesë të Lionel Messit, që mendon se 25 vjeçari mund t’i japë shumë skuadrës së Ernesto Valverdes sezonin e ardhshëm.
Gjithashtu ditë më parë është raportuar se edhe Philippe Coutinho, që u transferua në janar në Spanjë, e ka telefonuar egjiptianin duke i kërkuar që t’i bashkohet atij te Barcelona.
(Kosova Sot)