Manchester City e mohon se mbrojtësi 55-milionësh është lënë i lirë
Manchester City i ka hedhur poshtë raportimet e mediave se mbrojtësi anglez, të cilin e kishte blerë për 55 milionë euro para dy viteve, është i lirë të largohet në verë.
Kampioni i Premierligës ka insistuar se raportimet në mediat nuk janë të vërteta dhe se John Stones nuk do të lëvizë nga klubi.
Qendërmbrojtësi anglez nuk e ka luajtur asnjë ndeshje për Cityn këtë vit si pasojë e një lëndimi të rëndë.
Kjo ka bërë që të spekulohet se ai nuk është më pjesë e planeve afatgjate të Pep Guardiolas.
Por, drejtues të Cityt kanë thënë për Sky Sports se Stones nuk lëviz vendi dhe se do të jetë pjesë e skuadrës për ta mbrojtur titullin në Premierligë sezonin e ardhshëm.
(Kosova Sot)