Liverpool i mrekullueshëm, por ende ka punë me Romën
Liverpool ka shënuar fitore prej 5-2 në gjysmëfinalen e parë të Ligës së Kampionëve
Reds ishin dominues në pjesën e parë dhe të dytë të këtij takimi duke shënuar pesë gola.
Pjesa e parë ishte gjithçka në të mirë të Liverpoolit ku pas 30 minuta lojë Liverpool shënon golin e parë.
Ishte përsëri lojtari në super formë i Liverpool Mohamed Salah që do të shënonte golin e parë në minutën e 36.
Salah bën edhe një finalizim përfekt në fund të pjesës së parë duke shënuar në minutën e 45’të.
Të dy golat lojtari nuk i ka festuar.
Liverpool e nis furishëm pjesën e dytë.
Mane shënon gol në minutën e 56, kurse dy gola pas tij shënon Firminho (61, 68).
Megjithatë, Roma këndellet pas minutës së 70 duke shënuar dy gola.
Dzeko shënoi për 5-1, në minutën e 81, kurse golin e dytë e shënoi Perotti në minutën e 85’të.
Pas një jave, në “Stadio Olimpico”, Roma e pret Liverpoolin dhe shpreson në rikthim të rezultatit ashtu sikurse e bëri me Barcelonën.
(Kosova Sot)