Serbia nuk përmbahet nga dëshpërimi, ankohet në FIFA për fesimet dhe gjyqtarin

Serbët nuk arrijnë të përballojnë dëshpërimin pas humbjes nga Zvicra.

Mediat në Serbi raportojnë se Federata Serbe e Futbollit do të reagojë zyrtarisht për gjyqtarin e takimit, Felix Brych dhe për festimet e lojtarëve shqiptarë.

 

Aq larg kanë shkuar në shtetin fqinj sa që e cilësojnë provokim këpucën e Xherdan Shaqirit me flamurin e Kosovës.

“Zyrtarë të Federatës së Futbolilt të Serbisë, Savo Milloshevic dhe Jovan Shurbatovic kanë njoftuar për një ankesë në FIFA për gjykimin tendencioz të Felix Brych në ndeshjen Serbi 1-2 Zvicër”, bën të ditur RTS.

Serbia po ashtu sipas mediave serbe do të reagojë edhe për të ashqutuajtura “provokimet” e futbollistëve shqiptarë dhe tifozëve gjatë ndeshjes.

Mos përdorimi i sistemit VAR është një tjetër ankesë e serbëve për një rast të kontestueshëm të një penaltie.

Zvicra fitoi pas paraqitjes historike të Xherdan Shaqirit dhe Granit Xhakës të cilët shënuan dy supergola për fitoren e helvetëve.

Zvicra është një hap para kualifikimit në fazën e eliminimit direkt të Kampionatit Botëror.

(Kosova Sot)