Di Francesco: Roma dhe Serie A janë përforcuar
Eusebio Di Francesco ka konfirmuar se Robin Olsen do ta nisë nga minuta e parë teksa Roma do të vizitojë Torinon, teksa edhe Pastore me Cristante mund të kenë shansin e tyre.
Blerja e re Steven N’Zonzi nuk është akoma mirë fizikisht, kështu që nuk do të marrë pjesë në ndeshjen e parë.
“Shumë gjëra kanë ndryshuar në 12 muajt e fundit, mbi të gjitha vetëbesimi ynë, kështu që dua një start të fortë ndaj Torino jashtë fushe,” shprehet trajneri i Romas në konferencën për shtyp, transmeton TeleSport.
“Pastore dhe Cristante janë në formë të mirë, kështu që njëri prej tyre e nis nga minuta e parë. N’Zonzi ka kryer vetëm një seancë stërvitore, kështu që nuk do të marrë pjesë në javën e parë.
“Shumë klube janë përmirësuar, në përgjithësi e gjithë Serie A është përforcuar. Do të shohim me kalimin e kohës nëse Roma është përmirësuar. Disa lojtarë të rëndësishëm kanë mbërritur, kështu që jam i lumtur.
“Ka akoma kohë për të shitur disa lojtarë, pasi kam shumë në skuadër.”
(Kosova Sot)