Barcelona në negociata me Martial
Barcelona dhe Monaco kanë filluar negociatat për transferimin e sulmuesit të talentuar, Anthony Martial.
Sipas mediave spanjolle, gjiganti katalan ka konfirmuar interesimin për futbollistin e Monacos, skuadër që është e gatshme ta shesë pas dështimit për t’u kualifikuar për në edicionin e ardhshëm të Ligës së Kampionëve.
Martial mund të nënshkruajë në Camp Nou si zëvendësim për Pedro Rodriguezin i cili iu bashkua Chelseas.
Por, përforcimet e Barcelonës nuk kanë të drejtë të luajnë deri në janar të vitit 2016 kur do të skadojë dënimi i FIFA-s.