Gervinho flet pas golit, tregon historinë e dhimbshme kur luante këmbëzbathur
Sulmuesi i Parmas, Gervinho, i ka zbuluar bazat e lojës së tij.
Gervinho pa dyshimi që e shënoi golin e javës në fitoren e Parmas 2-0 kundër Cagliarit, duke e marrë topin nga mbrojtja dhe me shpejtësinë e tij arrti deri të porta e Cagliarit, ku pastaj e realizoi një supergol.
“Unë luaj me shpejtësi, fantazi dhe instinkt. Duke i parë fansat e gëzuar për golin tim është dhurata më e mirë”, ka thënë ish-lojtari i Arsenalit dhe Romës.
“Mendimi im i parë pas golit? Ditët e kaluara këmbëzbathur në Bregun e Fildishtë në Abidjan. Këpucët na u dhuruan vetëm pas tri viteve dhe vetëm nëse i kalonim testimet e caktuara”.
“Testi i pari ka qenë 50 goditje të topit me kokë në drejtim të murit, duke mos e lënë topin të bie në tokë, pastaj me kofshë dhe në fund me këmbë, të majtë dhe të djathtë”.
Gervinho e shkëputi kontratën e tij me Hebei China Fortune dhe u rikthye në Serie A pas largimit nga Roma në janarin e vitit 2016. 31-vjeçari ka një kontratë trevjeçare me Parman dhe deri më tani po shkëlqen në fanellën e klubit italian.
Më poshtë mund ta shihni super golin e tij të shënuar me Parman të shtunën:
(Kosova Sot)