Ish-ylli i Manchester Unitedit rrezikon një vit pezullim
Ish-ylli i Manchester Unitedit, Giuseppe Rossi, rrezikon të pezullohet për një vit, pasi ka rezultuar pozitiv në testet e dopingut pas ndeshjes mes Beneventos dhe Genoas sezonin e kaluar.
Sulmuesi italian momentalisht është pa klub pasi u largua nga Grifone, për të cilën luajti nëntë ndeshje dhe shënoi një gol.
Rossi doli pozitiv në testet e dopingut për dorzolamyde.
Ai është marrë në pyetje dy herë, sipas Gazetta dello Sport, dhe e ka mohuar se ka përdorur pika për sy apo doping.
Por, agjencia italiane anti-doping, Nado Italia, ka kërkuar që ai të pezullohet për një vit.
Momentalisht Rossi nuk është i pezulluar, dhe do të përballet me gjykatën më 1 tetor.
(Kosova Sot)
