Schuster: Reali nuk duhet të sjell lojtar në janar, nuk shiten futbollistët kualitativ në dimër

Bernd Schuster thotë se Real Madridi nuk duhet të ngutet që të transferojnë lojtar gjatë afatit kalimtar të janarit.

Gjermani që tashmë drejton klubin kinez të Dalian Yifangut, gjatë sezonit 2007/08 ka qenë trajner i madrilenëve

“Unë nuk do të nënshkruaja me asnjërin lojtar gjatë dimrit, sepse nëse dëshironi të sillni ndonjë yll apo lojtar që mendoni se do t’iu kryej punë, mendoj se ai klub që e lejon t’i largohet lojtari në këtë periudhë do të thotë se nuk është i dobishëm”, tha ai për shtypin spanjoll.

“Blerja e ndonjë lojtari që ka ritëm në klubin e vetë ka shumë vështirësi. Klubet nuk do të lejojnë lehtësisht që të largohet një sulmues që ka shënuar 20 gola me ekipin e tij”.

“Ajo që ndodh është se Ronaldo nuk ju garanton vetëm golat, por kundërshtarët në mënyrë të pandërgjegjshme ndryshojnë edhe mënyrën e lojës shkaku i prezencës së tij në fushë”.

“Ndonjëherë, një lider ju mungon në fushë. Madridi nuk e kishte atë në Moskë dhe kjo ishte shumë e dukshme, tha Schuster.

Ndryshe, Fabio Capello ditë më parë ka këshilluar kampionin evropian që ta transferojë sulmuesin e Interit, Mauro Icardit.

(Kosova Sot)