Danimarkë – Shqipëri, rrezik nga incidentet
Zyrtari i Federatës së Futbollit të Danimarkës, Jachob Hoyer ka pranuar se mund të ketë incidente në ndeshjen kundër Shqipërisë.
Zyrtari i Federatës së Futbollit të Danimarkës, Jachob Hoyer ka thënë se ata kanë marrë masat e nevojshme të sigurisë për të eliminuar mundësinë e incidenteve.
Por, ai ka pranuar se ekziston rreziku për shkak se tifozët shqiptarë kanë blerë bileta edhe për ulëset ku janë të paraparë të jenë përkrahësit e skuadrës vendase.
“Tifozët e Shqipërisë kanë blerë bileta për sektorët e caktuara për tifozët vendas”, deklaroi ai për “Ekstra Bladet”.
“Kjo mund të sjell ngjarje të papritura, por kemi vendosur masa të rrepta të sigurisë”, u shpreh Hoyer.