Shqipëria e merr një pikë të artë në Danimarkë (Foto)
Ka përfunduar pafitues 0:0 sfida mes Danimarkës dhe Shqipërisë, në Kopenhagë në stadiumin Parken. Ky barazim është i artë për kuqezinjtë, që i ofrohen edhe më shumë ëndrrës FRANCA 2016.
........................................
Cana shpëton Shqipërinë (Foto)
Kapiteni Lorik Cana ka shpëtuar një gol të sigurt ndaj Danimarkës.
Kapiteni i Kombëtares Shqiptare, Lorik Cana ka shpëtuar një gol të sigurt ndaj Danimarkës në ndeshjen që është duke u zhvilluar.
Cana,largoi topin në momentin e fundit nga këmbët e sulmuesit të Danimarkës, Nicklas Bendtner, duke shpëtuar portën e kuqezinjve për të mos pësuar gol.
Rezultati momental i ndeshjen vazhdon të mbetet 0-0, rezultat ky që i konvenon Kombëtares së Shqipërisë.
.......................................
Danimarka gjen rrugën e rrjetës me Niklas Bendtnerin në minutën e 74-t, por më parë gjyqtari kishte fishkëllyer për pozicion jashtë loje.
..........................................
Etrit Berisha ka bërë dy pritje shpëtimtare në minutat 57' dhe 60'. Në fillim "gardiani" nuk lejoi që topi i goditur me kokë nga Poulsen të prekte rrjetën pas një krosimi nga këndi, më pas priti gjuajtjen qendrore të Jorgensenit.
Danezët e shtojnë gazin përpara në kërkim të golit, kuqezinjtë vazhdojnë të luajnë ngjeshur në prapavijë.
.................................
Pjesa e parë, Danimarkë 0–0 Shqipëri
Ka përfunduar pjesa e pare në ndeshjen Shqipëria – Danimarka.
Ende nuk është shënuar asnjë gol nga asnjëra skuadër, megjithatë Shqipëria po luan lojë të mire dhe me raste për të shënuar.