Lajthitja e Martin Olsen: Shqiptarët ma shpifin!
Morten Olsen humb toruan në sfidën e Kopenhagenit. Vetëm një me një urrejtje patologjike ndaj shqiptarëve mund të shpjegojë qëndrimi i tij në fund të 90 minutave të Telia Parken, ku nuk pati fitues. 66-vjecari e gjen arsyen e dështimit të formacionit të tij për të mposhtur kuqezinjtë te fotoja e Ismail Morinës, njeriut që ideoi dhe ngriti dronin në Beograd, me lojtarët kuqezi.
“E urrej atë fotografi të njeriut dron me lojtarët shqiptare para se të linin hotelin. Ai nuk ka të bëjë me Fair playn. Gjëra të tilla ma shpifin. E përsëris, nuk ka të bëjë me Fair Playn. Akoma nuk e kuptoj vendimin e Gjykatës së Arbitrazhit Sportiv, që i dha fitoren 3-0 Shqipërisë me Serbinë. Nuk e kuptoj mosreagimin e UEFA-s. Kjo është antisportive.”
Tani Danimarka duhet të japë gjithcka për të marrë maksimumin në Armeni, por edhe në sfidën e 8 tetorit me Portugalinë në transfertë për të siguruar finalet e Europianit. Mirëpo ndryshe nga Shqipëria dhe Portugalia, danezët kanë një ndeshje më pak për të luajtur.
“Të gjitha ndeshje e fundit në Grup do të jenë emocionuese. Për ne do të do të jetë e vështirë, por edhe Portugalia do të vuajë shumë ndaj Shqipërisë të hënën. Unë shpresoja që do ta kishim zgjidhur cështjen e kualifikimit, por fatkeqësisht nuk ndodhi kështu.”
Duke analizuar takimin me kuqezinjtë Olsen e pranoi se ishte befasuar nga formacioni i De Biasit në pjesën e parë, por kishte bërë ndryshimet e duhura në pjesën e dytë, ndonëse nuk dhanë rezultatet që priste. Trajneri i Danimarkë vlerësoi vecanërisht paraqitjen e Jusuf Pulsen, por edhe të shqiptarit Riza Durmishi, që luajti titullar në krahun e majtë të mbrojtjes.
Ndërkohë Niclas Bendnter, nuk u humb shpresat për kualifikim. Sulmuesi i Wolfsburgut në Bundesligë beson se Danimarka mund të marrë maksimumin e pikëve në dy ndeshjet e mbetura me Armeninë dhe dhe Portugalinë. Sipas Gjigantit të sulmit danez, vetëm fati i mungoi formacionit të Morten Olsen për të fituar ndaj Shqipërisë.