Putin ndalon ekipet ruse të transferojnë lojtarë turq
Klubet ruse janë ndaluar të nënshkruajnë kontrata me futbollistët turq. Lajmin e bën të ditur ministri i sporteve në Moskë, Vitaly Mutko.
Qëndrimi zyrtar rus vjen pak ditë pasi Turqia rrëzoi një avion të Moskës në kufirin me Sirinë teksa e akuzoi Rusinë se i ka shkelur hapësirën ajrore.
Ky është vendimi i dytë i fortë i Kremlinit pas vendosjes së disa sanksioneve ekonomike ndaj Turqisë që kanë të bëjnë me produktet turke, punësimin e personelit turk dhe heqjen e ofertave turistike.
Ministri i sporteve Mutko tha për agjencinë e lajmeve RSport se “Nëse një nga klubet kërkon të nënshkruajë me ndonjë lojtar turk, kjo nuk do të jetë e mundur”.
Por këto sanksione nuk do të prekin futbollistët turq që luajnë aktualisht në Rusi.